Jotunheimen og Utladalen

Jotunheimen nasjonalpark vart verna 05. desember 1980, saman med Utladalen landskapsvernområde. Du finn lenker til faktaark på menyen over.

Her finn du dei aller dei høgaste fjella i landet, og Jotunheimen har svært lange tradisjonar for tradisjonelt friluftsliv med fotturar, tinderangling, jakt og fiske. Delar av verneområdet er utan særlege tyngre tekniske inngrep og er definert som vernesoner i forvaltningsplanen. Område nærare tekniske anlegg som vegar og turisthytter opnar for meir bruk, i form av turisthtter med eit nett av merka stigar og løyper.

Landskapsvernområdet ligg på vestsida av Jotunheimen nasjonalpark, i kommunane Årdal og Luster. Den markante Utaladalen med sidedalane Skogadalen, Uradalen og Fleskedalen i aust og Stølsmaradalen og Gravdalen i vest viser det karakteristiske vestlandslandskapet med frodig vegetasjon i dalbotnen og steile fjellsider opp mot det karrige høgsjellet. Kjende turistattraksjonar som Vettisfossen, Skogadalsbøen, Avdalen,Vetti og Naturhuset er sentrale i verneområdet.

Nasjonalparken ligg i fem kommunar i to fylke; Luster og Årdal i Vestland og Lom, Vågå og Vang i Innlandet. Nasjonalparken er på 1151 km2 og er i hovudsak over skoggrensa. landskapsverneområdet dekkjer eit areal på ca. 314 km². Forskriftene vart revidert 14.11.14.