Inspirert av det ville landskapet og norrøn mytologi gav Aasmund Olavsson Vinje dette fjellområdet namnet «Jøtunheimen» i 1862. Namnet spelar på at jotnane – eller trolla – har heimen sin her. Jøtunheimen vart seinare til Jotunheimen, som er namnet på dette mektige området med dei høgaste fjella i Nord-Europa.
Her finn du informasjon om forvaltninga av Jotunheimen nasjonalpark og Utladalen landskapsvernområde.
Nasjonalparkstyret for Jotunheimen / Utladalen 2024-27
14.11.2024
Nesten heile styret var samla på Bessheim i september. Vi mangla berre representanten frå Innlandet fylkeskommune, der både den faste og vararepresentanten måtte melde forfall.
Ny SNO-medarbeidar i Jotunheimen frå 1. mars
05.06.2024
Stein Windingstad frå Øystre Slidre vart tilsett i stillinga som SNO-medarbeidar for Jotunheimen og Utladalen frå 1. mars i år.
Han tok over etter Rigmor Solem, som pensjonerte seg ved årsskiftet.
Kompetansedagar for verneområdestyra - Lillehammer 14.-15.03.2024
22.03.2024
Vel 80 styremedlemmer, forvaltarar og SNO knytt til dei store verneområda i Innlandet var samla til kompetansedagar på Lillehammer 14.-15. mars. Statsforvaltar Knut Storberget ønskte velkomen til to dagar tettpakka med informasjon.
- om kva arbeidet i nasjonalparkstyra gjekk ut på, og
- om rollene til dei ulike aktørane i forvaltninga.
Vi fekk også inspirerande innlegg om verdien av å ta vare på naturen frå Morten Aas i FNF-Innlandet, Christian Steel frå SABIMA og Vegard Gundersen i NINA.
Klima- og miljøminister Andreas Bjelland Eriksen sende videohelsing, og Statssekretær Kjersti Bjørnstad i KLD møtte personleg opp og snakka om Naturavtalen og arbeidet med handlingsplanar for villrein.
Alle presentajonane kan du lesa her: Nasjonalparkstyre | Kompetansedager 2024 - kopi av presentasjoner